اعترافات: عن دخولي الجامعة الأمريكية

ماكنتش عايزة أخشها. كانت آخر جامعة عايزة أخشها. لما اترفضت من معظم الجامعات اللي قدمتلها في أمريكا ولقيت نفسي اتقبلت في واحدة بس (ماسمحتش ظروفي إني أقبل عرضهم) حسيت بالفشل الذريع فعلاً وإن أوحش حاجة ممكن تحصل إني أروح الجامعة الأمريكية. كنت محبطة وباعيط وقلت لأمي إن دي أوحش حاجة ممكن تحصللي في الحياة وإن حياتي هاتبقى زبالة من هنا ورايح

غير بقى كلام الناس: “إنتي عبيطة يا بنتي؟! دي “إيه يو سي” ده أنا هاموت وأروحها!” ليه يبقى عليا ضغط إن أنا أعمل حاجة علشان غيري “هايموت” ويعملها بس مش قادر…؟ عمري ما فهمت المنطق ده الصراحة

أول ترم ليا في الجامعة كان كئيب. كنت أروح من المحاضرة للبيت أو من المحاضرة للدور الثالث في المكتبة (اللي هو يعتبر الدور المهجور عندنا في الجامعة) وكنت باذاكر أو أقعد اتفرج على أنمى (رسوم متحركة يبانية) ماكنتش باكلم حد أوي غير زمايلي في المحاضرات وكنا بنتكلم في شغل بس. كنت باشوف ناس بتعمل أنشطة وحفلات وحاجات مسلية للطلبة، كان آخري اتفرج، يعني هاشارك لوحدي من غير أصحاب…؟

إيه بقى مشكلتي أساساً مع الجامعة الأمريكية…؟ كنت راسمة صورة نمطية للمكان إنه مليان ناس بتوع “مامي” و”بابي” ومش هاممهم حد غير نفسهم وعايشيين في قوقعة بعيد عن بقية البلد. ماكنتش عايزة أبقى جزء من كده. طبعاً واحدة واحدة بدأت الفكرة دي تتغير عندي، اللي انقذني من الحالة اللي أنا كنت فيها دي أصلاً إني قابلت ناس غيرت الفكرة دي. صحيح إن في ناس من الشريحة اللي أنا وصفتها دي، بس حسيت إن نسبتهم صغيرة بعد ما اتعرفت على ناس أكتر

أنا بس عايزة أقول للناس اللي أنا اتعرفت عليها في الفترة دي إنتوا فعلاً انقذتوني من نفسي، من غيركوا حياتي كانت هاتبقى مختلفة جداً. العالم اللي حواليا دلوقتي بيرسم نفسه بطريقة مختلفة وفكري كل يوم بيتغير بمعاشرتكم ومعاشرة ناس تانية. ربنا يخليكوا يا رب

Advertisements

One thought on “اعترافات: عن دخولي الجامعة الأمريكية

  1. I love how personal this is. I had a stereotype in mind about the AUC as well (it vanished quite quickly though). I find it amazing how people can sometimes really change us!

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s